Hræðileg árás breytist í rómantíska björgun

Það er eitthvað heillandi við hetjulega atburði sem eiga sér stað í raunveruleikanum, sérstaklega þegar aðstæður eru þannig að maður gæti haldið að það væri einsog brot úr skáldsögu. Þá hitnar óneitanlega hjartað í manni.

Hin 19 ára Elyse Frankcom var að synda með höfrungum þegar hún svo óheppilega lenti í kjaftinum á stærðarinnar hákarli. Til allrar hamingju var henni skyndilega bjargað þegar hugrakkur sundgarpur sem varð vitni að þessu lét til skarar skríða og bjargaði stúlkunni. Óhræddur greip hann í sporðinn á hákarlinum sem hrökklaðist í burtu, hann synti til botns að sækja dömuna þegar hún sökk í sjóinn og bjargaði lífi hennar.

Ég hef ekki hugmynd um hvort það sé rómantískur hugur á bakvið þessa hugrökku björgun en þar sem ég er svo mikill sucker fyrir rómantík þá ímynda ég mér það. Að maðurinn hafi haft auga með hinni yndisfögru Elyse sem varð fyrir hræðilegri árás hákarls og fékk þar með dýrslegan styrk til að bjarga henni. Í mínum huga endar þessi saga þannig að hann sat yfir henni á spítalanum þar til hún náði fullum bata og þau urðu ástfangin, síðan giftust þau og eignuðust mörg börn.

Endir.

Greip í sporðinn á hákarli og bjargaði stúlku

Athugasemdir

[zeta (IP-tala skráð) 2.11.2010 kl. 22:44]

Ég held að maðurinn sem bjargaði henni sé kannski 40 - 55 ára. Maður á aldri stúlkunnar hefði aldrei neitað að tala við fjölmiðla held ég. Þess vegna held ég að engin rómantík sé þarna í gangi nema þetta sé eitthver pedofile

[Sætur hundur (IP-tala skráð) 2.11.2010 kl. 23:31]

Til zeta.

Hvernig í ósköpunum dettur þér í hug pedofile?  Þú hugsar eins og ekta íslenskur feministi.  Heldur þú að allir karlmenn séu pedofilar og kynferðisafbrotamenn?

Sjáðu bara hinn fallega og heilbrigða hug sem Rakel hefur.  Margir gætu eflaust ályktað að eingöngu feministar eða illa eitraðir hugar gætu fengið þá hugmynd sem þú setur hér fram?